آجي دووران، گلدي بيزه يتيشدي
يوخسوليقدا ال اياقا ايليشدي
گلدي گينه، باها دووران باشلادي
جيبلريمين، ديبلريني داشلادي
هر گوني بير فيكير گلير، قوجالدير
بوش قاريني بتر بئله آجالدير
بانك بيرطرفدن كسيري آلاديير
بئش تومنه، اون تومن آليب ساتير
بورجون ايچينده چاليشون قالميام
دريا بوشدي، سانكي بئله دامجي يام
بهره سينه ائو، ائشيگي... ساتميشام
قوري جاني، خسته ليگه آتميشام
بير دئيين يوخ منه، حالون نئجه دير
آج قالان واقت هانسي گوندي، گئجه دير
ايندي اليمده، صنعتيم يوخ ايشيم
هانسي دولت، هانسي وارا من شيشيم
البت، قبيض لر يوكومي باغلادي
هانسي آدام، اينسانليقا آغلادي
گلدي قبيض لر گازيميز قطع اولدي
توزلي سويوق دام داشيما دولوندي
داديما چاتمير نيه بس بير نفر
هانسي ايگيت باسليقيني تئز كَسر
...
گل اللهي ايندي يئتيش داديما
خوش واقت لاري سال اوختايين يادينا !
اوختاي